ლევან კიკნაძე

დაბადებია ადგილი: ქ. ფოთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1956 წელს.

მუშაობდა საქართველოს არქიტექტურისა და მშენებლობის საქმეთა სახელმწიფო კომიტეტში და საქართველოს საგეგმო კომიტეტის კაპმშენებლობის განყოფილებაში ინჟინრად; 1957-1977წწ. იყო ჰიდროტექნიკისა და მელიორაციის ს/კ ინსტიტუტში უფროსი მეცნიერ-მუშაკი, სექტორის გამგე; 1977-1979წწ. საქართველოს მინისტრთა საბჭოში სასოფლო და წყალსამეურნეო მშენებლობის განყოფილების გამგის მოადგილე, კოლხეთის დაბლობის დაშრობისა და სასოფლო-სამეურნეო მიწების ათვისების პრობლემათა სექტორის გამგე; 1979-1988წწ. მუშაობდა საქართველოს მელიორაციულ-წყალსამეურნეო მშენებლობის მთავარ სამმართველოს უფროსის მოადგილედ; 1988 წლიდან საქართველოს მშენებლობის კომიტეტის თავმჯდომარის მოადგილეა; 1991 წლის კომიტეტის გარდაქმნის შემდეგ დაინიშნა საქართველოს ურბანიზაციისა და მშენებლობის სამინისტროს საინჟინრო ნაგებობებისა და კომუნიკაციების სამმართველოს უფროსად; მისი მონაწილეობით აშენდა და დაპროექტდა სამრეწველო და სამოქალაქო ნაგებობები, სარწყავი და დამშრობი სისტემები, ირიგაციული დანიშნულების წყალსაცავები, გვირაბები და ჰიდროტექნიკური ნაგებობები; 30-ზე მეტი სამეცნიერო ნაშრომისა და გამოგონების ავტორი, ურბანიზაციისა და მშენებლობის სამეცნიერო-ტექნიკური საბჭოს წევრი. ტექნიკის მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.305-306; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.267

• 1998 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• საქართველოს დამსახურებული ინჟინერი