ლევან იაშვილი

დაამთავრა არტილერიის კადეტთა კორპუსი 1786 წელს.

1787-1791წწ. მონაწილეობდა რუსეთ-ოსმალეთის ომში, კერძოდ აკერმანის, ბენდერის და იზმაილის აღებაში; 1792-1795წწ. ვარშავისა და პრაღის გარემოცვასა და აღებაში; 1794-1799წწ. მსახურობდა ცხენოსან არტილერიაში; 1801 წლიდან გვარდიაში, პოლკოვნიკის ჩინით; 1805 წელს გაიგზავნა ავსტრიის სამფლობელოებში, სადაც ებრძოდა ფრანგებს ჰაილსბერგთან (1807), პროისიშ-აილაუსთან, გუტშტადტთან ფრიდლანდთან. 1808 წლის მარტიდან  გენერალ-მაიორი. 1812 წელს სამამულო ომის დროს სარდლობდა საარტილერიო ბრიგადას პ. გ. ვიტგენშტეინის ცალკე კორპუსის შემადგენლობაში; 1812 წლის 18 ივლისს მიიღო გენერალ-ლეიტენანტის ჩინი; 1813 წელს დაინიშნა მთავარი მოქმედი არმიის არტილერიის უფროსად და მონაწილეობდა რუსეთის არმიის საზღვარგარეთის ლაშქრობებში. იბრძოდა ლიუცენთან, ბაუცენთან; 1816 წელს დაინიშნა პირველი არმიის არტილერიის უფროსად და 17 წლის განმავლობაში ამ თანამდებობაზე იყო; 1832 წლიდან სამხედრო საბჭოს წევრი; 1833 წლიდან თადარიგში გავიდა. დაჯილდოებული იყო რუსეთისა და უცხოეთის მრავალი ორდენით, მათშორის: 1794 წელს წმინდა გიორგის ჯვრით - პოლინეთის აჯანყების ჩაქრობისთვის, 1807 წელს ისევ წმინდა გიორგის ჯვრით - გამოჩენილი მამაცობისთვის. რუსეთის არმიის არტილერიის გენერალი. 

წყარო: ქართული საბჭოთა ენციკლოპედია: ტ.5.-თბ., 1980.-გვ.64-65; დიასპორის საკითხებში საქართველოს სახელმწიფო მინისტრის აპარატი: diaspora.gov.ge; საქართველო: ენციკლოპედია: ტ. IV. -თბ., 2018. -გვ.175