გივი კირტავა

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1948 წელს.

1948-1951წწ. მუშაობდა სამშენებლო-სამონტაჟო ტრესტ "საქსოფელელექტრომშენის" სისტემაში სამუშაოთა მწარმოებლად; 1951-1957წწ. საქართველოს მშენებლობის სამინისტროს N5 სამშენებლო ტრესტის სამშენებლო სამმართველოს მთავარ ინჟინრად, უფროსად; 1957-1967წწ. საქართველოს "ცეკავშირის" სამშენებლო ტრესტ "საქკოოპმშენის" მთავარ ინჟინრად; 1967-1977წწ. მმართველად, გამგეობის წევრად; 1977-1989წწ. იყო საქართველოს მინისტრთა საბჭოსთან არსებული კაპმშენებლობის მთავარი სამმართველოს კომპლექტაციის სამმართველოს უფროსი და კოლეგიის წევრი; მონაწილეობდა ქობულეთში, შოვში, საირმეში, წყალტუბოში და სხვადასხვა საკურორტო რეგიონებში სანატორიუმებისა და დასასვენებელი კომპლექსების, "ცეკავშირის" ადმინისტრაციული შენობის (თბილისში), საცხოვრებელი სახლებისა და საზოგადოებრივი და სავაჭრო დანიშნულების ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.310-311

• საქართველოს დამსახურებული ინჟინერი