სოსო კირცხალია

დაბადების ადგილი: ქ. სენაკი.

დაამთავრა საქართველოს პოლიტექნიკური ინსტიტუტი, სამრეწველო და სამოქალაქო მშენებლობის სპეციალობით 1977 წელს.

1977-1978წწ. მუშაობდა საქართველოს მშენებლობის სამინისტროს N13 სამშენებლო ტრესტში ტექნიკური განყოფილების ინჟინრად; 1978-1987წწ. ამავე ტრესტში N3 სამშენებლო სამმართველოს უფროსი იყო; 1987-1996წწ. ამავე ტრესტის N5 საგზაო სარემონტო-სამშენებლო სამმართველოს უფროსი; 1996-2000წწ. იყო შპს "ლიბო-პლუსის" გენერალური დირექტორი; 2007-2013წწ. შპს "ლიბო პლიუს კომპანიის" დამფუძნებელი, დირექტორთა საბჭოს თავმჯდომარე; 2013-2016წწ. კომპანია "ეპიკ ჯგუფის" დირექტორთა საბჭოს თავმჯდომარე; მონაწილეობდა ივანე ბერიტაშვილის სახელობის ფიზიოლოგიის ს/კ ინსტიტუტის, ჩეხეთ-საქართველოს ერთობლივი ქარხანა "ლეჩივა-გეოს", საბანკო ოფისების, სკოლების, საბავშვო ბაღების, სხვადასხვა ადმინისტრაციული შენობების (თბილისში) მშენებლობაში; 2013 წელს იყო ლატვია-საქართველოს ინვესტიციებისა და "სავაჭრო ურთიერთობების სააგენტოს" დირექტორთა საბჭოს წევრი; 2015 წლიდან საქართველო-ბელორუსის საინვესტიციო და "სავაჭრო ურთიერთობების ხელშეწყობის სააგენტოს" დირექტორთა საბჭოს თავმჯდომარე; არის ორი გამოგონებისა და თორმეტი სამეცნიერო ნაშრომის ავტორი; 1987 წელს მიღებული აქვს სამახსოვრო მედალი საუკეთესო არქიტექტურული ნაგებობების მშენებლობისათვის - ქ. თბილისის ფიზიოლოგიის ინსტიტუტი. ტექნიკურ მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.311; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.293

• საერთაშორისო საინჟინრო აკადემია, წევრ-კორესპონდენტი (2004-)

• 2005 - საქართველოს დამსახურებული მშენებელი
• 1999 - ღირსების ორდენი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი პირადი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის

• ამწე, სატრანსპორტო და უწყვეტი ტრანსპორტის მანქანები-გაანგარიშების მაგალითები : უმაღლ. სასწ. სამშენებლო სპეც. სტუდ. (თანაავტორი). - თბილისი, "მერანი-3"-ის გამ-ბა და სტ., 2001. - 156გვ.