ამირან კობიაშვილი

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1945 წელს.

1946-1947წწ. მუშაობდა საბჭოთა კავშირის სამიმოსვლო გზათა სამინისტროს დონის როსტოვის სამშენებლო სამმართველოში ინჟინრად, ჩრდილოეთ კავკასიის რკინიგზის საგზაო-საპროექტო ინსტიტუტში ინჟინერ-დამპროექტებლად; 1947-1948წწ. საქართველოს შინაგან საქმეთა სამინისტროს საგზაო-საპროექტო ინსტიტუტში; 1948-1950წწ. ამიერკავკასიის საგზაო-საპროექტო ინსტიტუტში; 1950-1952წწ. იყო ამიერკავკასიის რკინიგზის სამმართველოს ხელოვნურ ნაგებობათა და სალიანდაგო სამსახურის უფროსის მოადგილე; 1952-1965წწ. თბილისის სალიანდაგო დისტანციის უფროსი, სალიანდაგო სამსახურის განყოფილების უფროსი; 1965-1968წწ. მუშაობდა თბილისის მეტროპოლიტენის სამმართველოში; 1968-1975წწ. ამიერკავკასიის რკინიგზის სამმართველოს უფროსის მოადგილედ, მთავარ ინჟინრად; ხელმძღვანელობდა რიგი სარკინიგზო მაგისტრალების, ხიდების, გვირაბების და სხვა რთული საინჟინრო ხელოვნური ნაგებობების მშენებლობას; იყო ორდენებისა და მედლების კავალერი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.314

• საქართველოს საპატიო რკინიგზელი
• საქართველოს დამსახურებული ინჟინერი