იაკობ კოდუა

დაბადების ადგილი: სოფელი ძველი აბასთუმანი, ზუგდიდის რაიონი.

დაამთავრა საქართველოს სასოფლო-სამეურნეო ინსტიტუტის ჰიდროტექნიკისა და მელიორაციის ფაკულტეტი 1955 წელს.

1955 წელს დაიწყო შრომითი საქმიანობა საქართველოს წყალთა მეურნეობის სამინისტროს კოლხეთის საექსპლუატაციო სამმართველოში ინჟინრად, უფროს ინჟინრად (ქ. ფოთი); 1957-1959წწ. სამშენებლო ტრსტ "კოლხეთმშენის" ხობის რაიონის სამშენებლო უბნის უფროსი იყო; 1959-1962წწ. მივლინებით გაგზავნილ იქნა ვიეტნამის დემოკრატიულ რესპუბლიკაში მელიორაცია-ჰიდროტექნიკის ექსპერტ-სპეციალისტად; 1963-1967წწ. მუშაობდა აბაშის წყალთა მეურნეობის საექსპლუატაციო სამსახურის უფროსად; 1969-1971წწ. ტრესტ "კოლხეთმშენის" დასავლეთ საქართველოს წყალსამეურნეო ობიექტების მშენებლობის მთავარი ინჟინერი იყო; 1971-1972წწ. ამავე ტრესტის საწარმოო ობიექტების მშენებლობის უფროსი; 1972 წელს დაინიშნა ქ. ფოთის საქალაქო საბჭოს აღმასკომის თავმჯდომარის მოადგილედ და კომუნალური მეურნეობის უფროსად; 1974 წელს გადაიყვანეს საქართველოს კპ აბაშის რაიკომის მეორე მდივნად; 1983-1985წწ. არჩეული იყო აბაშის რაიონული საბჭოს აღმასკომის თავმჯდომარედ; 1985-1988წწ. კვლავ სამეურნეო სამუშაოზეა და მუშაობს სამშენებლო ტრესტ "კოლხეთმშენის" მმართველის მოადგილედ; 1988-1991წწ. იყო საქართველოს გაზიფიკაციის სახელმწიფო კომიტეტის ტრესტ "ფოთიგაზის" მმართველი; 1991-1993წწ. მუშაობდა ქ. ფოთის საქალაქო საბჭოს აღმასკომის შრომისა და სოციალური საკითხების განყოფილების გამგედ, ფოთის მიწის მართვის საქალაქო სამმართველოს უფროსად; 1993-1998წწ. იყო მერის მრჩეველი; 1962 წელს დაჯილდოებულია ვიეტნამის დემოკრატიული რესპუბლიკის უმაღლესი საბჭოს მედლითა და სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.315

• შრომის ვეტერანის მედალი
• მედალი "შრომითი მამაცობისთვის"
• საპატიო ნიშნის ორდენი
• შრომის წითელი დროშის ორდენი
• საქართველოს დამსახურებული ინჟინერი