ლავრენტი ბალუაშვილი

განათლება მიიღო ტფილისის სასულიერო სემინარიაში და ტფილისის ქვეითთა იუნკერთა სასწავლებელში. სამხედრო სამსახურში შევიდა 1890 წელს.

მსახურობდა ერევნის მე-13 ლაიბ-გრენადერთა პოლკში. მონაწილეობდა (1914-1918) წლების პირველ მსოფლიო ომში. 1917 წლის 16 აპრილს დაინიშნა სუვოროვის სახელის გრენადერთა 22-ე პოლკის მეთაურად. 1915 წელს მიენიჭა პოლკოვნიკის სამხედრო წოდება და წმინდა გიორგის ოქროს იარაღი საბრძოლო დამსახურებისთვის. 1918-1919 წლებში მსახურობდა ქართულ ჯარში, იყო მე-5 ქვეითი პოლკის მეთაური. 1919 წლის 17 ოქტომბერს დათხოვნილ იქნა თადარიგში.

წყარო:  სამხედრო ფიცის ერთგულნი: ქართველი გენერლები.-თბ., 2015.-გვ.18

• 1908 - წმინდა ანას III ხარისხის ორდენი
• 1900 - წმინდა სტანისლავის III ხარისხის ორდენი