გენადი კოპალეიშვილი

დაბადების ადგილი: სოფელი ტოლები, სამტრედიის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი ხიდებისა და გვირაბების მშენებლობის სპეციალობით 1957 წელს.

1957-1959წწ. შრომითი საქმიანობა დაიწყო სამშენებლო ტრესტ "მოსკოვტრანსმშენის" სისტემაში; მუშაობდა მშენებელ ოსტატად, სამუშაოთა მწარმოებლად, უფროს ინჟინრად; 1960-1962წწ. იმავე ტრესტის N5 სამშენებლო სამმართველოს მშენებელ ოსტატად, სამუშაოთა მწარმოებლად; 1962-1967წწ. ამიერკავკასიის რკინიგზის სამმართველოს სამშენებლო-სამონტაჟო ტრესტის სისტემაში, მშენებელ ოსტატად, სამუშაოთა მწარმოებლად; 1967 წელს დაინიშნა ამიერკავკასიის რკინიგზის სამმართველოს სოხუმის სამოქალაქო შენობა-ნაგებობათა დისტანციის უფროსად; 1969 წელს კი საგზაო-სამშენებლო ტრესტის სამტრედიის N2 სამშენებლო სამმართველოს უფროსად; 1981 წელს ამავე ტრესტის N21 ხიდმშენ რაზმის უფროსად; 1996 წლიდან საგზაო-სამშენებლო ტრესტის სამტრედიის N2 და N21 სამშენებლო ორგანიზაციების გაერთიანების შემდეგ, ხელმძღვანელობს გაერთიანებულ სამშენებლო სამმართველოს; აქტიურად მონაწილეობდა საცხოვრებელი სახლების, კულტურულ-საგანმანათლებლო და სამრეწველო-ტექნიკური შენობა-ნაგებობების, მეწყერდამცავი კედლების, სადგურების, სარკინიგზო ლიანდაგების, სარკინიგზო ხიდების (ცხენისწყალსა და გუბისწყალზე) მშენებლობაში, ასევე, სხვადასხვა ხიდებისა და გვირაბების სარემონტო-აღდგენით სამუშაოებში; მიღებული აქვს სახელმწიფო და საუწყებო ჯილდოები. მათ შორის - "საპატიო რკინიგზელის" წოდება და სამკერდე ნიშანი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.318-319