გურამ კოტარია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1953 წელს.

1953-1961წწ. მუშაობდა სამშენებლო ტრესტ "ჰიდროენერგომშენის" რკინაბეტონის საწარმოო კომბინატში საწარმოო-ტექნიკური განყოფილების უფროსად; 1961-1978წწ. თბილისის საქალაქო საბჭოს აღმასკომის ტრესტ "ინჟმშენის" N3 სამშენებლო-სამონტაჟო სამმართველოს საწარმოო-ტექნიკური განყოფილების უფროსად, იმავე ტრესტის N4 სამშენებლო სამმართველოს მთავარ ინჟინრად, ამავე სამმართველოს უფროსად; 1978-2003წწ. იყო საქართველოს მინისტრთა საბჭოს საქმეთა მმართველობაში ადმინისტრაციული სახლების სამმართველოს უფროსი; მისი უშუალო ხელმძღვანელობით ქ. თბილისში აშენდა საცხოვრებელი სახლები საირმის ქუჩაზე, ბავშვთა ინფექციური საავადმყოფო სიმონ ჩიქოვანის ქუჩაზე, საცხოვრებელი სახლები ფონიჭალაში, დიდუბეში, ავეჯის კომბინატი ლილოში, საბაგირო გზა (საბურთალო-ლისის ტბა), უნივერსამი დიღომში, საქალაქო არქივის შენობა, კომუნალური მეურნეობის საინჟინრო ნაგებობები ქ. თბილისში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.321

• საქართველოს დამსახურებული ინჟინერი