თამაზ კოტიშაძე

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1979 წელს.

1971 წლიდან მუშაობდა სამშენებლო სამონტაჟო ტრესტ "კავკასტრანსშმშენის" ზესტაფონის N24 სამმართველოში ოსტატად, სამუშაოთა მწარმოებლად, უბნის უფროსად; 1987 წლიდან იყო ამავე სამმართველოს მთავარი ინჟინერი, ხოლო 1999 წლიდან უფროსი; მონაწილეობდა სამტრედიის სარკინიგზო კვანძის მთლიან რეკონსტრუქციაში, "ხაშური-ზესტაფონის" უბნის მეორე ხაზის, "მარაბდა-ახალქალაქის" სარკინიგზო მაგისტრალის, თბილისის რკინიგზის ვაგზლის, ზესტაფონის საავადმყოფოს, სკოლების და სხვა მნიშვნელოვანი ობიექტების მშენებლობაში; აქტიურად იყო ჩართული სტიქიით დაზარალებული აჭარლებისთვის ახალქალაქისა და თეთრიწყაროს რაიონებში საცხოვრებელი დასახლებების მშენებლობაში; 2010-2011წწ. ხელმძღვანელობდა სს "ტრანსმშენის" მიერ აშენბული სარფის საბაჟო-გამშვები პუნქტის უნიკალურ მშენებლობას, აგრეთვე, ბორჯომი-ლიკანის "რიქსოსის" ხუთვარსკვლავიანი 9-სართულიანი სასტუმროს კომპლექსის მშენებლობას.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.322; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.288

• 1999 - ღირსების მედალი (2 ორდენი)
  საქართველოში სატრანსპორტო კომპლექსების მშენებლობაში შეტანილი პირადი წვლილისა და მაღალი პროფესიონალიზმისათვის, სტიქიური მოვლენების დროს დაზიანებული შენობა-ნაგებობებისა და აფხაზეთის ომის პერიოდში აღდგენითი სამუშაოების ჩატარებისას გამოჩენილი მაღალი მოქალაქეობრივი პასუხისმგებლობისათვის
• საქართველოს დამსახურებული ინჟინერი