ჯაბა კუბლაშვილი

დაბადების ადგილი: დაბა ბაღდათი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მრეწველობის სპეციალობით 1963 წელს.

მუშაობა დაიწყო როსტოვის სამონტაჟო-სამშენებლო ტრესტ "ფოლადკონსტრუქციების" სამშენებლო-სამონტაჟო სამმართველოს სისტემაში ინჟინრად, საამქროს უფროსად; მუშაობდა რუსთავის ლითონ კონსტრუქციების ქარხნის დირექტორად, საქართველოს ადგილობრივი მრეწველობის მინისტრის პირველ მოადგილედ, მინისტრად, მშენებლობის სახელმწიფო კომიტეტის თავმჯდომარის მოადგილედ; იყო საქართველოს მინისტრთა საბჭოსთან არსებული სამონტაჟო და სპეციალური სამუშაოების მთავარი სამმართველოს ("საქმონტაჟსპეცმშენის") უფროსის მოადგილე; მივლინებული იყო თურქეთის რესპუბლიკაში ალუმინის ქარხნის მშენებლობაზე მთავარ სპეციალისტად; სს ჰოლდინგური კომპანია "მონტაჟსპეცმშენის" ვიცე-პრეზიდენტია; ხელმძრვანელობდა რუსთავის მეტალურგიული ქარხნისა და ქიმიური კომბინატის, თბილისის ჩარხმშენებელი და საავიაციო ქარხნების, თბილისის ტელეცენტრის, სატელევიზიო ანძის და სხვა სპეც დანიშნულების ობიექტების სამონტაჟო სამუშაოებს.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.325; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.49

• საქართველოს მშენებელთა ფედერაცია, წევრი

• 2000 - ღირსების ორდენი
• საპატიო ნიშნის ორდენი
• საქართველოს დამსახურებული ინჟინერი