თორნიკე კუპატაძე

დაბადების ადგილი: სოფელი ქვედა საზანო, ზესტაფონის რაიონი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი სალიანდაგო ხაზების მშენებლობისა და ექსპლუატაციის სპეციალობით 1974 წელს.

1974-1996წწ. მუშაობდა საპროექტო ინსტიტუტ "კავგიპროტრანსში" განყოფილების ინჟინრად, უფროს ინჟინრად, პარტიის უფროსად, ექსპედიციის უფროსად, პროექტის მთავარ ინჟინრად; 1996-1998წწ. "საქართველო-თურქეთის" რკინიგზის მშენებლობის დირექციის მთავარი ინჟინერი იყო, შემდგომ კი დირექციის უფროსი; 1998-1999წწ. იყო საქართველოს სარკინიგზო ტრანსპორტის დეპარტამენტის მეცნიერულ-ტექნიკური პროგრესისა და ინფორმატიკის სამსახურის უფროსი; 1999-2000წწ. შპს "საქართველოს რკინიგზის" ჯერ გენერალური დირექტორის მოადგილე იყო, ხოლო შემდეგ დაინიშნა სამეცნიერო-ტექნიკური და ინფრასტრუქტურის გენერალური დირექტორის მოადგილედ; პრაქტიკული პროფესიული საქმიანობის პარალელურად ეწევა პედაგოგიურ მოღვაწეობას საქართველოს ტექნიკურ უნივერსიტეტში; გამოქვეყნებული აქვს რამდენიმე სამეცნიერო მონოგრაფია და ნაშრომი ტექნიკური სასწავლებლების სტუდენტებისათვის. ტექნიკური მეცნიერების კანდიდატი (1990).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.325-326; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.175; საქართველოს ტექნიკური უნივერსიტეტი: my.gtu.ge

• 2001 - ღირსების მედალი

• ფიქრები ქართულ გზაზე : სახალხო მოძრაობა-"ქართული გზა" (თანაავტორი) // ნაწ. 2. - თბილისი, 2012. - 21გვ.
• რკინიგზების კვლევა-ძიება და დაპროექტება : სახელმძღვანელო (თანაავტორი). - თბილისი, ტექნიკური უნ-ტის გამ-ბა, 2009. - 139გვ.
• ამიერკავკასიის რკინიგზის განვითარების ძირითადი ეტაპები : XIX საუკუნის 60-იანი წლებიდან XX საუკუნის 20-იან წლებამდე (ავტორი) // ნაწ. 1. - თბილისი, მემატიანე, 2004. - 586გვ.