გალინა გრესელ-კოშუტი

დაბადების ადგილი: ქ. ალექსანდროპოლი (ახლანდელი გიუმრი, სომხეთი). 

დაამთავრა საქართველოს საინჟინრო-სამშენებლო ინსტიტუტი 1933 წელს

მონაწილეობდა არქიტექტორ-დამპროექტებლად თბილისში "დინამოს" სტადიონისა (1934–1935) და მარქსიზმ-ლენინიზმის ინსტიტუტის ფილიალის (1935–1936) დაპროექტების ბოლო სტადიაზე. ძირითადად მუშაობდა "საქქალაქმშენსახპროექტში" (1936–1941; 1944–1976) არქიტექტორად, პროექტის მთავარ არქიტექტორად, არქიტურული სახელოსნოს ხელმძღვანელის მოადგილედ. ძირითადი განხორციელებული პროექტები: საბავშვო ბაღი ოზურგეთში (1948), საცხოვრებელი სახლები თბილისში, ახმეტაში, კაჭრეთში; მდინარე ლიახვის სანაპირო გორში (1948), სასტუმრო მესტიაში (1953), ავტოვაგზალი თბილისში (სანაპიროზე, 1954), საქართველოს შინაგან საქმეთა სამინისტროს სანატორიუმი გაგრაში (1970, გ. ჯაფარიძესთან ერთად) და სხვ. მიღებული აქვს სახელმწიფო ჯილდოები.

წყარო: საქართველო : ენციკლოპედია: georgianencyclopedia.ge

• 1967 - საქართველოს დამსახურებული არქიტექტორი