ზაურ კუტივაძე

დაბადების ადეგილი: სოფელი ნახშირღელე, ქუთაისის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1965 წელს.

მუშაობდა ქ. კიევის სახელმწიფო საპროექტო ინსტიტუტ "ქალაქპროექტში", თბილისის დიმიტროვის სახელობის საავიაციო-საწარმოო გაერთიანების კაპმშენებლობის განყოფილებაში ინჟინრად, სამუშაოთა მწარმოებლად, უბნისა და განყოფილების უფროსად; 1991 წელს დაინიშნა საქართველოს მშენებლობის სამინისტროს N3 სამშენებლო ტრესტის N1 სამშენებლო სამმართველოს უფროსად; მონაწილეობდა 1991-1992წწ. ცნობილი მოვლენების დროს დაზარალებული მოსახლეობისთვის საცხოვრებელი სახლების, ასევე, "თბილკომბანკის" (თავისუფლების მოედანზე) და სხვა საყოფაცხოვრებო და სამრეწველო დანიშნულების შენობა-ნაგებობათა მშენებლობაში ქ. თბილისში; დაჯილდოებულია საქართველოს სახელმწიფო ჯილდოებით და საქართველოს უმაღლესი საბჭოს პრეზიდიუმის საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.329; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.294

• 1999 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი პირადი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის