ლუი გრანჟე

ლუი გრანჟე 1614 წელს, სტამბოლში მოღვაწე საფრანგეთის ელჩის ხელშეწყობით, გამოემგზავრა სამეგრელოში კათოლიკობის გასავრცელებლად. მოგზაურობის ანგარიშში, რომელიც მან 1615 წელს მოქვიდან იეზუიტების ორდენის გენერალს კლავდიო აკვავივას გაუგზავნა, აღწერილია შავი ზღვისპირეთის მოსახლეობის ეთნიკური შემადგენლობა სტამბოლიდან გურიამდე, ის ენები, რომელზეც იმ დროს მეტყველებდა ეს მოსახლეობა; გურიისა და სამეგრელოს მთავრებთან შეხვედრები და ამ შეხვედრისას ადგილობრივ ფეოდალებთან და სასულიერო არისტოკრატიასთან წამოჭრილი სასაუბრო თემები (უპირატესად სარწმუნოების საკითხებზე). აღწერილია აგრეთვე შეხვედრა დასავლეთ საქართველოში მყოფ კახეთის მეფე თეიმურაზ I-თან, რომელსაც ლუი გრანჟე "თებრიზ-ხანს" უწოდებს. XVII საუკუნის ფრანგი მისიონერი. 

წყარო: საქართველო : ენციკლოპედია: georgianencyclopedia.ge

• იეზუიტთა ორდენი, წევრი