თეიმურაზ ლაზარიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამშენებლო ნაკეთობებისა და კონსტრუქციების წარმოების სპეციალობით 1972 წელს.

1972-1975წწ. მუშაობდა საქართველოს გზების მოწყობის საპროექტო ინსტიტუტში ინჟინრად, უფროს ინჟინრად; 1975-1978წწ. სამშენებლო ტრესტ "შიმანოვსკტრანსსტროიში" (ბაიკალ-ამურის მაგისტრალის მშენებლობაზე) სამუშაოთა მწარმოებლად, ტექნიკური განყოფილების უფროსად; 1978-1982წწ. თბილისის ზონალურ ს/კ ტიპიური და ექსპერიმენტული პროექტების ინსტიტუტში ("თბილზნიიეპი") პროექტის მთავარ კონსტრუქტორად; 1983-2010წწ. მუშაობდა საპროექტო ინსტიტუტ "თბილქალაქპროექტში" N3 არქიტექტურული სახელოსნოს ხელმძღვანელად, სახელოსნოსა და ინსტიტუტის მთავარ კონსტრუქტორად; მის მიერ დამუშავებული პროექტებია: პოლიკლინიკების შენობები თბილისში - ალექსანდრე ყაზბეგის გამზირზე, ლესელიძის, ლუნაჩარსკის ქუჩებზე, დიღმის მასივისა და ვაჟა-ფშაველას გამზირზე, ტუბსაავადმყოფოს მთავარი კორპუსი, საცხოვრებელი სახლები შევჩენკოს, გოთუას, კახოვკის, მიცკევიჩის, ატენის ქუჩებზე, მუხიანისა და ვაზისუბანში, სისხლის გადასხმის ინსტიტუტის შენობა, ფირმა "აიას" საოფისე შენობა და სასტუმრო (აღმაშენებლის გამზირზე), კორპორაცია GIF-ის საოფისე შენობა, "თი-ბი-სი ბანკის" ცენტრალური (რეკონსტრუქციის პროექტი) და სიღნაღის ოფისები, მუხრან-ბატონის სასახლის კომპლექსი (რესტავრაცია-რეკონსტრუქცია-მიშენება), რესტორანი "მარაბდა" (რეკონსტრუქცია-მიშენება), წმ. ექვთიმეს ტაძარი (თბილისში, ბაქოს ქუჩაზე), პანსიონატი ქ. გელენჯიკში; მშენებარე პროექტები: ქუთაისის ისტორიული ცენტრი (რეკონსტრუქცია-რესტავრაცია), ბათუმის არსებული რკინიგზის (რეკონსტრუქცია), ბიზნეს-ცენტრი "სოლოლაკი" (თბილისში, ლერმონტოვის ქუჩაზე), დიღმის დიაგნოსტიკური ცენტრი (ბავშვთა საავადმყოფოს ტერიტორიაზე), ქირურგიული კორპუსი (N1 საავადმყოფოს ტერიტორიაზე) და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.335

• 2009 - საქართველოს დამსახურებული ინჟინერი