ილია ლეჟავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1963 წელს.

სტუდენტობის წლებიდან აქტიურად მონაწილეობდა საკალათბურთო სპორტში; იყო საქართველოს ერთ-ერთი უძლიერესი კლუბის "ქარიშხალას" ლიდერი მოთამაშე; 1968 წელს დაიწყო შრომითი საქმიანობა მოსკოვის ტრესტ "ორგენერგომშენის" თბილისის ფილიალში; 1975-1980წწ. საქართველოს მშენებლობის სამინისტროს სისტემაში მუშაობდა სასწავლო კომბინატის დირექტორად; 1980-1986წწ. მექანიზაციის სპეციალიზებული ტრესტის მმართველის მოადგილედ; 1986-1993წწ. გორის საშენ მასალათა საწარმოო კომბინატის გენერალურ დირექტორად; მონაწილეობდა შიდა ქართლის ტერიტორიაზე წარმოებული მსხვილპანელოვანი (135-ე სერიის ტიპური პროექტების მიხედვით) საცხოვრებელი სახლების მშენებლობისა და საკომუნიკაციო ქსელების, გზებისა და საკარიერო სამშენებლო სამუშაოების შესრულებაში; იყო საქართველოს ეროვნული ნაკრების წევრი კალათბურთში, სსრკ სპარტაკიადის ორგზის მონაწილე, სსრკ სტუდენტი ახალგაზრდობის პირველობის ჩემპიონი, საბჭოთა კავშირის სპორტული საზოგადოება "ბურევესტნიკის" წევრი, საერთაშორისო შეჯიბრებებში არაერთხელ გამარჯვებული.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.342-343

• საქართველოს კალათბურთის ფედერაცია, საპატიო წევრი
• საქართველოს მშენებელთა კავშირი, წევრი

• ღირსების მედალი
• საპატიო ნიშნის მედალი
• სპორტის დამსახურებული ოსტატი (კალათბურთი)
• საქართველოს დამსახურებული მშენებელი