ლევან რაზიკაშვილი

სწავლობდა თბილისის კეთილშობილთა გიმნაზიაში, სადაც დაუახლოვდა თავად ქაქუცა ჩოლოყაშვილს. 1917 წელს გაწევრიანდა საქართველოს სოციალ-ფედერალისტურ პარტიაში. შემდგომში სამხედრო სამსახურში იყო. მსახურობდა ფშავის მილიციის უფროსად. საქართველოს გასაბჭოების შემდეგ თანაუგრძნობდა ხევსურეთში მოქმედ პარტიზანებს, რის გამოც 1922 წელს დააპატიმრეს და "ბანდიტიზმის" ბრალდებით დახვრეტა მიუსაჯეს. ქართველი მწერლების შუამდგომლობა სერგო ორჯონიკიძესთან უშედეგო აღმოჩნდა. 1923 წელს ლევან რაზიკაშვილი სიკვდილით დასაჯეს. ქართველი სამხედრო ოფიცერი, ვაჟა-ფშაველას ვაჟიშვილი.

წყარო: ღალატის ქრონიკა - ვაჟა-ფშაველას ვაჟის ტრაგიკული აღსასრული // კვირის პალიტრა. - თბილისი, 2024. - 29 ივლისი. - N31 (1567). - გვ.24