რობერტ ლორთქიფანიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო ფაკულტეტი 1959 წელს.

1960-1963წწ. მუშაობდა თბილისის საქალაქო საბჭოს აღმასკომის საკარიერო მეურნეობის კომბინატში ბრიგადირად და ბურღვა-აფეთქების ოსტატად; 1963-1966წწ. საქართველოს სახალხო მეურნეობის საბჭოს გეოლოგიურ-სადაზვერვო კანტორაში ოსტატად და უფროს სამთო ოსტატად; 1966-1972წწ. საქართველოს საშენ მასალათა მრეწველობის სამინისტროს სამმართველოში მთავარ მექანიკოსად, მთავარ ინჟინრად; 1972-1976წწ. იყო საქართველოს მინისტრთა საბჭოსთან არსებული სამთო ზედამხედველობის სახელმწიფო კომიტეტის ინსპექტორი; 1976-1977წწ. საკავშირო ტრესტ "ფეთქმრეწვის" საქართველოს სპეცსამმართველოს მთავარი ინჟინერი; 1977-1981წწ. ამავე სამმართველოს უფროსი; 1981 წლიდან ხელმძღვანელობდა საქართველოს საშენ მასალათა მრეწველობის სამინისტროს წიწამურის საკარიერო მეურნეობას.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.356

• მედალი "შრომითი მამაცობისთვის"