ალექსი აფხაიძე

დაბადების ადგილი: ქ. ქუთაისი.

მსახიობობა დაიწყო 1930 წელს. მოღვაწეობდა თელავში, სოხუმსა და ბაქოში, ხოლო 1936 წლიდან შ. რუსთაველის სახელობის ტეატრში. შესრულებული აქვს: ყვარყვარე (პ. კაკაბაძის "ყვარყვარე თუთაბერი"), ბეგლარი (კ. კალაძის "როგორ"), ადიუტანტი, ფარსადანი, კაპიტანი (ს. შანშიაშვილის "არსენა", "ანზორი"), ექიმი შალვა (ს. კლდიაშვილის "გმირთა თაობა"), ჯიბო (შ. დადიანის "გუშინდელნი"), სოფლელი თავადი (ნ. შიუკაშვილის "სულელი"), კრეივენკო (ბ. ჩირკოვის "გამარჯვებულნი"), გელა (ა. ყაზბეგის "ხევისბერი გოჩა"), ანანია (ა. სუმბათაშვილის "ღალატი") და სხვა.  ა. აფხაიძე მონაწილეობდა ფილმებში: "დავით გურამიშვილი", "მწვერვალთა დამპყრობნი", "აკაკის აკვანი" და სხვა. სამსახიობო მოღვაწეობასთან ერთად ეწეოდა სამწერლო მუშაობასაც. დაწერილი აქვს პიესები: "არაგველები", "დაიბრუნეთ თქვენი ახალგაზრდობა" და სხვა.

წყარო: ხელოვნების კალენდარი თეატრი, მუსიკა, კინო -თბ., -1992 - გვ.94

• 1945 - საქართველოს დამსახურებული არტისტი