მუზაფერ მამუჭაძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1960 წელს.

პროფესიული საქმიანობის სხვადასხვა ეტაპზე მუშაობდა საპროექტო ინსტიტუტ "საქქალაქმშენსახპროექტის" აჭარის ფილიალის არქიტექტორად, მთავარ არქიტექტორად, სახელოსნოს უფროსად, ფილიალის მთავარ ინჟინრად და დირექტორად; იყო აჭარის ასსრ მშენებლობის საქმეთა სახელმწიფო კომიტეტის "სახმშენის" თავმჯდომარე, აჭარის არქიტექტურისა და მშენებლობის მინისტრის პირველი მოადგილე, ურბანიზაციისა და მშენებლობის სახელმწიფო დეპარტამენტის თავმჯდომარე; ეწეოდა პედაგოგიურ საქმიანობას, კითხულობდა სალექციო კურსს ბათუმის პედაგოგიურ ("სპორტული ნაგებობები") და საქართველოს პოლიტექნიკურ ("პრაქტიკული გეგმარება") ინსტიტუტებში; ძირითადი ნამუშევრებია: ახალგაზრდული ცენტრი ბათუმის მთაზე, სარფისა და ადლიის საბაჟო კომპლექსები, ბათუმის პედინსტიტუტის ახალი კორპუსი, ბათუმის ავტოვაგზალი (900 მგზავრზე), ბათუმის ნავთობბაზის კულტურის სახლი (400 მაყურებელზე), ბათუმის ჩრდილო-აღმოსავლეთი რაიონისა და "სასროლეთის" მ/რ გეგმარება, ჭავჭავაძისა და წერეთლის ქუჩებისა და პორტის ზღვისპირა პარკის რეკონსტრუქცია, ყოფილი სამხედრო ჰოსპიტლის ტერიტორიის კეთილმოწყობა, მამედ აბაშიძის ძეგლის პოსტამენტი, ინდივიდუალური საცხოვრებელი სახლები და სხვა; 1995 წელს ბათუმში მოაწყო  საკუთარი გრაფიკული და ფერწერული ნამუშევრების გამოფენა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.367

• აჭარის არქიტექტორთა კავშირი, გამგეობის წევრი

• ბათუმის საპატიო მოქალაქე
• საქართველოს დამსახურებული არქიტექტორი