გიორგი მარგიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1982 წელს.

1983-1985წწ. მუშაობდა საპროექტო ინსტიტუტ "საქქალაქმშენსახპროექტის" მე-2 არქიტექტურულ სახელოსნოში არქიტექტორად; 1991-1995წწ. სახელოსნოს ხელმძღვანელად; მისი ძირითადი განხორციელებული ნამუშევრებია: საცხოვრებელი სახლები რუსთავის სტამბის თანამშრომელთათვის (1989); საცხოვრებელი სახლი თბილისში, იორის ქუჩაზე (1990), ოფისი ლერმონტოვის ქუჩაზე (1993); პროექტები: ახალი ხაიშის გენგეგმა (1984-1985), მუხრანის ცენტრის რეკონსტრუქცია (1988), საცხოვრებელი კომპლექსი ანაგის ქუჩაზე (1990); სასტუმრო და საავადმყოფო ქ. ფაცაში (თურქეთი, 1990); საცხოვრებელი სახლები ნუცუბიძის პლატოზე (1992), სააკაძის მოედნის რეკონსტრუქცია (1993), ზემო ვაკის მოშენების პროექტი (1992-1993). 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.370

• არქიტექტორთა კავშირი, გამგეობის წევრი (1991-)