ვიქტორ მარჩენკო

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო ფაკულტეტი მარკშეიდერის სპეციალობით 1961 წელს.

1961-1963წწ. მუშაობდა საკავშირო საპროექტო ინსტიტუტ "სოიუზგიპროსვიაზის" თბილისის ფილიალის ინჟინერ-გეოდეზისტად; 1963-1969წწ. სამშენებლო ტრესტ "თბილგვირაბმშენის" სისტემაში - თბილისის მეტროპოლიტენის მშენებლობაზე სამმართველოს მარკშეიდერად; 1968-1971წწ. იყო საქართველოს მშენებლობის სამინისტროს სამშენებლო სამმართველო "ფუნდამენტმშენის" გეოდეზიური სამსახურის უფროსი; 1971-2005წწ. თბილისის მთავარ არქიტექტურულ სამმართველოს გეოდეზიური განყოფილების უფროსი; 2006 წლიდან არის ინდმეწარმე; მონაწილეობდა საქართველოს კპ ცენტრალური კომიტეტის (შემდგომში - სახელმწიფო კანცელარია) ადმინისტრაციული შენობის, პრეზიდენტის რეზიდენციის, ზუგდიდის, ფოთის, ბათუმის ცალკეული მნიშვნელოვანი ობიექტების მშენებლობაში, თბილისის ძველი უბნების რეკონსტრუქცია-რესტავრაციაში, გლდანის, ვაზისუბნის, ნუცუბიძის პლატოსა და დიდი დიღმის საცხოვრებელი მ/რაიონების მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.375