თენგიზ მახარაშვილი

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1966 წელს.

1966-1976წწ. მუშაობდა თბილისის ზონალურ ს/კ ტიპური და ექსპერიმენტული პროექტირების ინსტიტუტში ("თბილზნიიეპი"); 1977 წლიდან მუშაობდა საქართველოს პოლიტექნიკური ინსტიტუტის არქიტექტურის ფაკულტეტზე; არის არქიტექტურისა და ურბანისტიკის დეპარტამენტის პროფესორი; მონაწილეობდა არქიტექტურის ფაკულტეტის ხარისხის მიმნიჭებელი სადისერტაციო საბჭოს ჩამოყალიბებაში; 1994-2003 წწ. იყო ამავე საბჭოს სწავლული მდივანი; 1996-2006 წწ. იყო ურბანისტიკის კათედრის გამგე; 2012--2014 წწ. საქართველოს ტექნიკური უნივერსიტეტის სენატის, ხოლო 2015 წლიდან აკადემიური საბჭოს წევრი; არის 85-ზე მეტი პუბლიკაციის და 50-ზე მეტი არქიტექტურული პრტოექტის ავტორი; მათ შორის: ტურისტული კომპლექსი 800 ადგილზე სოხუმში, კლინიკა 200 საწოლზე თბილისში, საჯარო სკოლა ბორჯომში, ჯუგაანსა და ლამბალოში, აგარაკი ქ. სკოპიეს გარეუბანში (იუგოსლავია), კერძო სახლების ეზოების ლანდშაფტურ-დიზაინერული გადაწყვეტები და ა.შ.; მოწყობილი აქვს ნახატების 28 პერსონალური გამოფენა მსოფლიოს სხვადასხვა ქვეყანაში; მისი ნამუშევრები ინახება მსოფლიოს 32 ქვეყნის კერძო კოლექციებში; გამოცემული აქვს ნამუშევრების რამდენიმე კატალოგი. დაიცვა საკანდიდატო დისერტაცია მოსკოვის არქიტექტურისა და ქალაქმშენებლობის ცენტრალურ ინსტიტუტში 1974 წელს. სამხატვრო აკადემიის მოწვეული პროფესორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ. 381-382

• აღმოსავლეთის ქვეყნების არქიტექტურის აკადემია, აკადემიკოსი
• საქართველოს არქიტექტორთა კავშირი, წევრი (1969-)

• ღირსების ორდენი
• საქართველოს დამსახურებული არქიტექტორი

• მეთოდური მითითებები არქიტექტურის სპეციალობის სტუდენტებისათვის საკურსო პროექტის "სოფელი 2000 მცხოვრებზე" შესასრულებლად (შემდგენელი). - თბილისი, საქ. პოლიტექნ. ინ-ტის გამ-ბა და სტ., 1980. - 20გვ.