ალბერტ მახარაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო-გეოლოგიის ფაკულტეტი 1958 წელს.

1958-1961 წწ. მუშაობდა საწარმოო მოპოვებით ტრესტ "საქნავთობის" გეოფიზიკურ ექსპედიციაში სამთო ტექნიკოსად; 1961-1963 წწ. სამშენებლო ტრესტ "თბილგვირაბმშენში" ცვლის მარკშეიდერად; 1963-1968 წწ. საქართველოს მელიორაციისა და წყალთა მეურნეობის სამინისტროს სამშენებლო ტრესტ "სამგორწყალმშენში" მუშაობდა ქვედა სამგორის N5 სამშენებლო სამმართველოს სამუშაოთა მწარმოებლად; 1968-1975 წწ. სამშენებლო ტრესტ "ალაზანმშენის" N3 სამშენებლო სამმართველოს უბნის უფროსად, სამმართველოს მთავარ ინჟინრად; 1975-1977 წწ. იყო "პნევმოტრანსმშენის" სამმართველოს უფროსის მოადგილე; 1977-1982 წწ. სამშენებლო გაერთიანება "საქმთავარწყალმშენის" ლილოს რკინაბეტონის ნაკეთობათა ქარხნის დირექტორი, აღმოსავლეთ საქართველოს მშენებარე ობიექტების დირექციის მთავარი ინჟინერი; 1982-2003 წწ. მუშაობდა საქართველოს წყალსამეურნეო ობიექტების მშენებლობის მთავარი სამმართველოს ("საქმთავარწყალმშენის") ადმინისტრაციაში კაპმშენებლობის სამმართველოს უფროსად, გაერთიანების უფროსის მოადგილედ, იყო კოლეგიის წევრი; 2003-2008 წწ. მუშაობდა სს "საქწყალპროექტის" ტაშისკარის სარწყავი სისტემების რეაბილიტაციის ზედამხედველობის ჯგუფის უფროსად; 2008 წლიდან ზემო სამგორის სარწყავი სისტემის რეაბილიტაციის დაპროექტებაზე, ქვეჯგუფის ხელმძღვანელად; სხვადასხვა დროს მონაწილეობდა ქვემო სამგორისა და ზემო ალაზნის მაგისტრალურ არხზე გვირაბების, სარწყავი სისტემების, თბილისის მეტროპოლიტენისა და პნევმოტრანსპორტ "ლილო-2"-ის მშენებლობაში, საქართველოს მელიორაციის სისტემის მიმდინარე სამუშაოებისა და პერსპექტიული განვითარების დაგეგმარებაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.382

• საქართველოს დამსახურებული ინჟინერი