ტარიელ მაჯაგალაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1957 წელს.

1957-1958წწ. მუშაობდა დონბასში უფროს სამუშაოთა მწარმოებლად; 1958-1959წწ. საპროექტო ინსტიტუტ "საქგიპროშახტში"; 1959-1960წწ. საპროექტო ინსტიტუტ "მრეწვფოლადკონსტრუქციაში" ფილიალის უფროსად; 1960-1964წწ. ხელმძღვანელობდა საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენის" საპროექტო-სახარჯთაღრიცხვო და 1964-1967წწ. სახელშეკრულებო-სახარჯთაღრიცხვო განყოფილებებს; 1967-1970წწ. მივლინებული იყო მონღოლეთის სახალხო რესპუბლიკაში, დარხანის რაიონის ობიექტების მშენებლობაზე მრჩევლად ეკონომიკის საკითხებში; 1970-1973წწ. ირანის რესპუბლიკაში - ისპაჰანის მეტალურგიული ქარხნის ობიექტების მშენებლობაზე მრჩევლად კონტრაქტორებთან ურთიერთობის საკითხებში; 1973-1986წწ. იყო საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენის" მმართველის მოადგილე, მთავარი ინჟინერი; 1986-1989წწ. საქართველოს მშენებლობის სამინისტროს მთავარი სამმართველოს უფროსი, კოლეგიის წევრი; 1989-1990წწ. მუშაობდა ალჟირის სახალხო დემოკრატიულ რესპუბლიკაში, ქ. ანაბის მეტალურგიული კომპლექსის მთავარ მრჩევლად ეკონომიკის საკითხებში; 1990-1992წწ. რუსთავის საწარმოო გაერთიანება "საქავტოვაზმრეწვისა" და 1992-1997წწ. შპს კომპანია "იბერია LTD"-ს ტექნიკურ დირექტორად; 1997-2000წწ. საქართველოს ურბანიზაციისა და მშენებლობის სამინისტროს სახელმწიფო ლიცენზირების ცენტრის წარმომადგენლად ქვემო ქართლის მხარეში; მონაწილეობდა მეტალურგიული ქარხნის, საწარმოო გაერთიანება "აზოტის", "ქიმბოჭკოსა" და ქარხანა "ცენტროლიტის", ასევე, საბინაო ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.386-387

• საქართველოს დამსახურებული ინჟინერი