ტარიელ მდივნიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი საავტომობილო გზების მშენებლობაის სპეციალობით 1961 წელს.

1961-1964წწ. მუშაობდა საპროექტო ინსტიტუტ "თბილქალაქპროექტში"; 1964-1975წწ. საქართველოს საავტომობილო გზების სამინისტროს N5 საგზაო-საექსპლუატაციო სამმართველოს საგზაო-სარემონტო პუნქტის უფროსად, ამავე სამმართველოს მთავარ ინჟინრად; 1976-1988წწ. საქართველოს საავტომობილო გზების სამინისტროს სახელმწიფო გზების სამმართველოს უფროსის მოადგილედ, მთავარ ინჟინრად, უფროსად და კოლეგიის წევრად; 1988-1990წწ. იყო საქართველოს საავტომობილო ტრანსპორტისა და გზების სამინისტროს საერთო სარგებლობის საავტომობილო გზების სამმართველოს უფროსი; 1990-1996წწ. საავტომობილო გზების სახელმწიფო კონცერნ "საქავტოგზის" თავმჯდომარის მოადგილე; სახელმწიფო გაერთიანება "საქავტოგზის" უფროსის მოადგილე; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.389

• ღირსების ორდენი
• შრომის ვეტერანი
• საპატიო მეგზევე