გიორგი როგავა

დაბადების ადგილი: სოფელი ყულისკარი, ზუგდიდის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის ლინგვისტური განყოფილება 1927 წელს.

1933-1958წწ. მუშაობდა ქუთაისის პედაგოგიური ინსტიტუტის ქართული ენის კათედრის ასისტენტად, დოცენტად, პროფესორად, გამგედ; 1938-1958წწ. იყო ენათმეცნიერების ინსტიტუტის უფროსი მეცნიერ-თანამშრომელი; 1960 წლიდან - თბილისის სახელმწიფო უნივერსიტეტის კავკასიურ ენათა კათედრის გამგე. იკვლევდა ქართველური და აფხაზურ-ადიღეური ენების გრამატიკული სტრუქტურისა და ისტორიის საკითხებს. მიღებული აქვს სახელმწიფო ჯილდოები. კავკასიოლოგი, ფილოლოგიის მეცნიერებათა დოქტორი (1953), პროფესორი (1958).

წყარო: ქართული საბჭოთა ენციკლოპედია: ტ.8.-თბ., 1984.-გვ.418; არნოლდ ჩიქობავას სახელობის ენათმეცნიერების ინსტიტუტის ვებ გვერდი: ice.ge

• 1975 - ყაბარდო-ბალყარეთის ავტონომიური რესპუბლიკის მეცნიერების დამსახურებული მოღვაწე
• 1963 - საქართველოს მეცნიერებათა დამსახურებული მოღვაწე
• საპატიო ნიშნის ორდენი

• ქართველურ ენათა ისტორიული ფონეტიკის საკითხები (ავტორი) // ნაკვ. 2: ყრუ ხშულ თანხმოვანთა დისიმილაციური გამჟღერება. - თბილისი, მეცნიერება, 1984. - 74გვ.
• ორგანული და ნივთიერი კუთვნილების კატეგორია ადიღეურ ენაში (ავტორი). - თბილისი, თბილ. უნ-ტის გამ-ბა, 1980. - 147გვ.
• ქართველურ ენათა ისტორიული ფონეტიკის საკითხები (ავტორი) // ნაკვ. 1: ხმოვანთა ისტორიის ზოგი საკითხი ქართველურ ენებში.. - თბილისი, საქ. სსრ მეცნ. აკად., ენათმეცნიერების ინ-ტი, 1962. - 149გვ.