ჯემალ ჭუმბურიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ხიდმშენებლობის ფაკულტეტი 1962 წელს.

შრომითი საქმიანობა დაიწყო 1962 წელს თბილისის ხიდმშენებელ ტრესტში ინჟინრად. 1971-1972 წლებში მუშაობდა საქართველოს სსრ მშენებლობის სამინისტროში განყოფილების უფროსად. 1973-1974 წლებში მუშაობდა  "მთავარენერგოში" განყოფილების უფროსად. 1974-1975 წლებში მუშაობდა სარეზინო-ტექნიკური ნაკეთობების ქარხნის საამქროს უფროსად. 1976-1989 წწ. მუშაობდა საქართველოს "მხატვრული ფონდის" კომბინატში მხატვარ-გამფორმებლად. 1989 წელს აქტიურად ჩაერთო ეროვნულ-გამათავისუფლებელ მოძრაობაში. იყო ეროვნული გვარდიის ერთ-ერთი დამაარსებელი. 1990-1991 წლებში მსახურობდა ეროვნული გვარდიის მთავარი სამმართველოს უფროსის მოადგილედ. 1992-1993 წლებში მსახურობდა ეროვნული გვარდიის მთავარი სამმართველოს უფროსის მოადგილედ. აქტიურად მონაწილეობდა საქართველოს ტერიტორიული მთლიანობისათვის წარმოებულ სამხედრო მოქმედებებში. 1993 წლის მარტში დაინიშნა თავდაცვის მინისტრის მოადგილედ. 1993-1998 წლებში მსახურობდა თავდაცვის მინისტრის მოადგილედ - ჯარების მშენებლობის და განთავსების დარგში. 1998-2002 წლებში მსახურობდა ეროვნული გვარდიის მთავარი სამმართველოს უფროსად. ბრიგადის გენერალი, გენერალ-მაიორი, გენერალ-ლეიტენანტი, გვარდიის პოლკოვნიკი.

წყარო: სამხედრო ფიცის ერთგულნი: ქართველი გენერლები.-თბ., 2015.-გვ.132; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.125; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 316

• 1998 - ვახტანგ გორგასლის I ხარისხის ორდენი
  სამშობლოს დაცვისა და ერთიანობისათვის ბრძოლაში გამოჩენილი მამაცობისა და თავდადებისათვის
• 1997 - მედალი "მხედრული მამაცობისთვის"
• 1995 - ვახტანგ გორგასლის III ხარისხის ორდენი