ალექსანდრე მენაბდე

დაამთავრა ამიერკავკასიის ინდუსტრიული ინსტიტუტის სამშენებლო ფაკულტეტი ინჟინერ-ჰიდროტექნიკოსის კვალიფიკაციით 1934 წელს.

1934 წლიდან მუშაობდა საპროექტო ინსტიტუტ "ჰიდროპროექტის" თბილისის ფილიალში; მონაწილეობდა "სოხუმჰესის", "შაორი-ტყიბული" ჰესებისა და "ბახვი-ნატანების" ჰესების კასკადის დაპროექტებაში; 1953 წელს დაინიშნა "ორთაჭალჰესის" პროექტის მთავარ ინჟინრად; მისი ხელმძღვანელობით შესრულებული საპროექტო სამუშაოები გამოირჩეოდა მაღალი ტექნიკური დონით; 1955 წელს დაინიშნა საპროექტო ინსტიტუტ "თბილჰიდროპროექტში" "ლაჯანურჰესის" პროექტირების განყოფილების გამგედ და პროექტის მთავარ ინჟინრად; მისი ხელმძღვანელობით იყო დაპროექტებული და აშენებული (ყოფილი საბჭოთა კავშირის ტერიტორიაზე) რკინაბეტონის პირველი თაღოვანი კაშხალი ლაჯანურჰესისათვის; 1961 წელს დაინიშნა ენგურის ჰესების კასკადის პროექტის მთავარ ინჟინრად და "თბილჰიდროპროექტის" მთავარი ინჟინრის მოადგილედ; 1972 წლიდან იყო "ენგურჰესის" პროექტის მთავარი ინჟინერი; მიღებული ჰქონდა სახელმწიფო ჯილდოები, საკავშირო და რესპუბლიკური საუწყებო საპატიო სიგელები. ინჟინერ-ჰიდროტექნიკოსი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.397; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.223; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• საქართველოს დამსახურებული ინჟინერი