ბესარიონი (დეკანოზი)

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1980 წელს.

მუშაობდა ძველი თბილისის რეკონსტრუქცია-რესტავრაციის სპეციალიზებულ სახელოსნოში; შეადგინა ძველი თბილისის დეტალური დაგეგმარების პროექტი; 1985 წელს სრულიად საქართველოს კათოლიკოს პატრიარქის ილია II-ის კურთხევით დაინიშნა საპატრიარქოს მთავარ არქიტექტორად; 1988 წლიდან აბბა ალავერდელ მიტროპოლიტ დავითთან ერთად უძღვებოდა საპატრიარქოსთან ჩამოყალიბებულ ხუროთმოძღვრებისა და ხელოვნების საბჭოს; 1990 წლიდან კრწანისის წმ. ნიკოლოზის ეკლესიის წინამძღოლია; 1995 წელს მიენიჭა დეკანოზის ხარისხი; 2003 წლიდან ხელმძღვანელობს საპატრიარქოს ხუროთმოძღვრების, ხელოვნებისა და რესტავრაციის ცენტრს; მისი კონსულტაციებით დაპროექტდა თბილისის წმ. აბო თბილელის, ასი ათას მოწამეთა და ორმოცი სებასტიელი მოწამის ეკლესიები, რუსთავის ღვთისმშობლის მიძინების ტაძარი და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.397