დიმიტრი ნადირაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფსიქოლოგია-ფილოსოფიის ფაკულტეტი სოციალური ფსიქოლოგიის სპეციალობით  1985 წელს.

1985 წლიდან მუშაობდა დიმიტრი უზნაძის სახელობის ფსიქოლოგიის ინსტიტუტში; 1988-1991 წწ. პროფესიული ორიენტაციის ცენტრში განყოფილების გამგედ; 1990 წელს დაიცვა საკანდიდატო დისერტაცია; 1995-2007 წწ. სამედიცინო გამოყენებითი და ზოგადი ფსიქოლოგიის სასწავლო ინსტიტუტის პრორექტორია; 2000 წელს მუშაობდა სანფრანცისკოში, როლო მეის სახელობის კვლევით ინსტიტუტში (აშშ); 2005 წელს დაიცვა სადოქტორო დისერტაცია; 2005-2011 წწ. ხელმძღვანელობდა დიმიტრი  უზნაძის სახელობის ფსიქოლოგიის ინსტიტუტის კლინიკური ფსიქოლოგიის განყოფილებას; 2005-20017 წწ. ეწეოდა საქართველოს საპატრიარქოსთან არსებული ანტინარკოტიკული ცენტრის სამეცნიერო ხელმძღვანელობას; 2007-2011 წწ. თბილისის ი. ჯავახიშვილის სახ. სახელმწიფო უნივერსიტეტის ასოცირებული პროფესორი, ხელმძღვანელობდა მისი ავტორობით შექმნილ სამაგისტრო პროგრამას განწყობის ფსიქოლოგიაში; 2011 წლიდან წმინდა ანდრია პირველწოდებულის სახელობის ქართულ უნივერსიტეტში სოციალურ მეცნიერებათა ფაკულტეტის დეკანი, ფსიქოლოგიის მიმართულების საბაკალავრო, სამაგისტრო და სადოქტორო პროგრამების ავტორი და ხელმძღვანელი, განწყობის ფსიქოლოგიური ლაბორატორიის დამფუძნებელი, აკადემიური საბჭოს წევრი; გავლილი აქვს არაერთი სტაჟირება საერთაშორისო პროგრამებში; დ. ნადირაშვილი საქართველოში გეშტალტ ფსიქოთერაპიული მეთოდის შემომტანი და გამავრცელებელია; 2011 წელს დააარსა და ხელმძღვანელობს კავკასიის მასშტაბით, ევროპაში ინტეგრირებულ პირველ "საქართველოს ეროვნულ გეშტალტ ინსტიტუტს", რომელიც საერთაშორისო სტანდარტის შესაბამისი პროგრამით ამზადებს ევროპული პროფესიული ცენზის გეშტალტ თერაპევტებს და ფსიქო-კონსულტანტებს; დ. ნადირაშვილი პირველი ქართულენოვანი გეშტალტთერაპიული სახელმძღვანელოს ავტორია; მისი ხელმძღვანელობით ტარდება საერთაშორისო და რესპუბლიკური კონფერენციები ფსიქოლოგიასა და ფსიქოთერაპიაში; იგი აქტიურად ეწევა საზოგადოებაში ფსიქოლოგიური და ფსიქოთერაპიული მეცნიერებების პოპულარიზაციას. არის 6 მონოგრაფიისა და მრავალი ათეული სამეცნიერო ნაშრომის ავტორი; მის ორ ფუნდამენტურ ნაშრომში, რომელიც სახელმძღვანელოდ გამოიყენება, გეშტალტ თერაპიის მთავარი პოსტულატები, თეორიისა და ტექნიკის პრაქტიკული გამოყენება სიღრმისეულადაა გადმოცემული. დ. ნადირაშვილი ენისა და კულტურის გათვალისწინებით, ახორციელებს გეშტალტთერაპიული ცნებების ქართული ექვივალენტების შემუშავებას და ფსიქოლოგიის მეცნიერებათა დოქტორი, პროფესორი, საქართველოში და კავკასიის მაშტაბით პირველი, ევროპაში სერტიფიცირებული გეშტალტ თერაპევტია. მუშაობს  განწყობის თეორიისა და  გეშტალტთერაპიის ინტეგრაციულ მოდელზე.

• საქართველოს ეროვნული გეშტალტ ინსტიტუტი, დამფუძნებელი, ხელმძღვანელი (2011-)

• 2009 - დიმიტრი უზნაძის სახელობის პრემია
  ფსიქოლოგიური გავლენა : განწყობის ზოგადფსიქოლოგიური თეორიის თვალსაზრისით / დიმიტრი ნადირაშვილი .- თბილისი: დიოგენე, 2006.-236გვ.

• გეშტალტთერაპია = Gestalt therapy : თეორია და ტექნიკა (თანაავტორი). - თბილისი, მწიგნობარი, 2018. - 328გვ.. - ISBN: 9789941473364
• მოზარდთა ანტისოციალური ქცევის სოციალურ-ფსიქოლოგიური პრევენცია (თანაავტორი). - თბილისი, დიოგენე, 2011. - 248გვ.. - ISBN: 978-9941-11-272-0
• სოციალურ-ფსიქოლოგიური გავლენა განწყობის ზოგადფსიქოლოგიური თეორიის თვალსაზრისით (ავტორი). - თბილისი, ნეკერი, 2009. - 301გვ.. - ISBN: 9789941404535
• ნარკომანიის პრევენციის ფსიქოლოგიურ-სოციალური საფუძვლები : კრებული (რედაქტორი). - თბილისი, ნეკერი, 2009. - 215გვ.. - ISBN: 978-9941-404-48-1
• ეგზისტენციალური გეშტალტ თერაპია = Existential Gestalt therapy (ავტორი). - თბილისი, ნეკერი, 2007. - 189გვ.. - ISBN: 9789994091171
• ფსიქოლოგიური გავლენა : განწყობის ზოგადფსიქოლოგიური თეორიის თვალსაზრისით (ავტორი). - თბილისი, დიოგენე, 2006. - 236გვ.. - ISBN: 9994045431
• ფსიქოლოგიური გავლენა და განწყობის კანონზომიერებანი : ავტორეფ... ფსიქ. მეცნ. დოქტ. 19.00.05 (ავტორი). - თბილისი, 2005. - 88გვ.