ხათუნა არევაძე

დაბადების ადგილი: ქ. ამბროლაური.

დაამთავრა თბილისის სახელმწიფო უნივერსიტეტის იურიდიული ფაკულტეტი 1991 წელს. 

1991 წელს (სექტემბრიდან ნოემბრამდე) მუშაობდა საქართველოს რესპუბლიკის უზენაეს სასამართლოში სამართლებრივი ინფორმატიკის და კანონმდებლობის სისტემატიზაციის განყოფილების ინსპექტორად, საერთო განყოფილების სხდომის მდივნად; 1991-1992წწ. მუშაობდა საქართველოს რესპუბლიკის უზენაესი სასამართლოს მოქალაქეთა საჩივრებისა და მიღების განყოფილების კონსულტანტად; 1993-1999წწ. მუშაობდა ამავე განყოფილების უფროს კონსულტანტად; 1999 წელს (აგვისტოდან სექტემბრამდე) მუშაობდა საქართველოს უზენაესი სასამართლოს სასამართლო პრაქტიკის განზოგადების განყოფილებაში ადმინისტრაციულ და სხვა კატეგორიის საქმეთა სასამართლო პრაქტიკის განზოგადების სექტორის გამგედ; 1999-2000წწ. მუშაობდა ამავე სასამართლოს მოქალაქეთა მისაღების უფროსად; 2000-2002წწ. იყო თბილისის საოლქო სასამართლოს მოსამართლე; 2005-2006წწ. იყო აფხაზეთის ა/რ უმაღლესი სააპელაციო სასამართლოს მოსამართლე; 2006-2012წწ. იყო რუსთავის საქალაქო სასამართლოს მოსამართლე; 2012 წლის 5 მარტიდან გათავისუფლდა მოსამართლის თანამდებობიდან უფლებამოსილების ვადის გასვლის გამო; 2012 წელს (მარტიდან ოქტომბრამდე) დაინიშნა სოხუმისა და გაგრა-გუდაუთის რაიონული სასამართლოს მოსამართლედ და მივლინებული იყო თბილისის სააპელაციო სასამართლოში; 2012 წლის ოქტომბრიდან არის თბილისის სააპელაციო სასამართლოს მოსამართლე.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.39; საქართველოს იუსტიციის უმაღლესი საბჭოს ვებ გვერდი: hcoj.gov.ge