ომარ მეტრეველი

დაბადების ადგილი: სოფელი სომიწო, ონის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

მუშაობდა საქართველოს მინისტრთა საბჭოსთან არსებული სპეციალური და სამონტაჟო სამუშაოების მთავარი სამმართველოს "საქმთავარმონტაჟსპეცმშენის" სამონტაჟო ტრესტ "საქსანტექმონტაჟის" სამმართველოს უფროსად, ასევე სამონტაჟო ტრესტ "საქმექანომონტაჟის" სამმართველოს მთავარ ინჟინრად, უფროსად; იყო შპს "მრეწვენტილაციის" გენერალური დირექტორი; მონაწილეობდა რუსთავის მეტალურგიული ქარხნის, რუსთავის ქიმიური ქარხნების, საქართველოს ენერგეტიკული კომპლექსების, თბილისის მეტროპოლიტენის, ქუთაისის ავტოქარხნის, საქართველოს მეცნიერებათა აკადემიის ობიექტების, საქართველოს პარლამენტის შენობის, კრწანისის სამთავრობო რეზიდენციის, თბილისის ახალი თამბაქოს ფაბრიკის, მეცნიერებათა აკადემიის ხელნაწერთა ინსტიტუტის, ოპერისა და ბალეტის სახელობის თეატრის გათბობისა და ჰაერის კონდიცირების სისტემების სამონტაჟო-სარეკონსტრუქციო სამუშაოებში; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.402