ზურაბ მეფარიძე

დაბადების ადგილი: სოფელი ძევრი, თერჯოლის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1959 წელს.

1960 წლიდან მუშაობდა საქართველოს მშენებლობის სამინისტროს N5 სამშენებლო ტრესტის ქობულეთის N3 სამშენებლო სამმართველოს სამუშაოთა მწარმოებლად; 1961-1985წწ. იყო სამშენებლო-სამონტაჟო ტრესტ "საქჰიდროენერგომშენის" სამუშაოთა მწარმოებელი, უბნის უფროსი, საწარმოო-ტექნიკური განყოფილების გამგე, სამმართველოს უფროსის მოადგილე; 1985-1999წწ. საქართველოს საავტომობილო გზების სამინისტროს სამშენებლო სამმართველოს უფროსი, 1999 წლიდან შპს "სპეცმშენის" დირექტორი იყო; სახელმწიფო კონცერნ "საქავტოგზის" სპეციალიზებული სამშენებლო სამმართველოს უფროსი. მისი მონაწილეობით აშენდა: "თბილსრესი", "ვარციხეჰესი", ჟინვალის ჰიდროტექნიკური კვანძი, თბილისის წყალგამწმენდი ნაგებობა, სტავროპოლის თბოელექტროსადგური, ქსნის მინის ტარის ქარხანა, რამდენიმე მნიშვნელოვანი საწარმოო-ტექნიკური ბაზა საქართველოს საავტომობილო გზების სამინისტროს სისტემაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.403; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.436

• 1996 - ღირსების ორდენი
  საქართველოში ენერგეტიკული ნაგებობებისა და საავტომობილო გზების მატერიალურ-ტექნიკური ბაზის გაძლიერებაში შეტანილი წვლილისათვის
• 1970 - მედალი "შრომითი მამაცობისთვის"
• 1967 - საქართველოს საპატიო ენერგეტიკოსი