გიორგი მეძმარიაშვილი

დაბადების ადგილი: ქ. დონეცკი, უკრაინა.

სწავლა დაიწყო ქ. დონეცკის საინჟინრო-სამშენებლო ინსტიტუტში 1973 წელს; სწავლა გააგრძელა საქართველოს პოლიტექნიკური ინსტიტუტის არქიტექტურის ფაკულტეტზე 1974 წელს, რომელიც დაამთავრა 1978 წელს; მოგვიანებით მიიღო უმაღლესი ეკონომიკური განათლება.

1978 წელს მუშაობა დაიწყო საპროექტო ინსტიტუტ "საქქალაქმშენსახპროექტში" არქიტექტორად; 1983 წელს გადაიყვანეს სამუშაოდ საქართველოს სახელმწიფო საგეგმო კომიტეტში ადგილობრივი მრეწველობისა და ჯანდაცვის, კურორტებისა და სპორტის განყოფილებებში წამყვან სპეციალისტად (1983-1985წწ.); 1985-1988წწ. რესპუბლიკის კაპდაბანდებების კრებსით განყოფილებაში ქვეგანყოფილების უფროსად; 1988-1995წწ. იყო სახელმწიფო საგეგმო კომიტეტის, მოგვიანებით ეკონომიკისა და ფინანსთა სამინისტროს საგარეო-ეკონომიკურ ურთიერთობათა სამმართველოს უფროსის მოადგილე, სამმართველოს უფროსი; 1995-2002წწ. საქართველოს ეკონომიკის, მრეწველობისა და ვაჭრობის სამინისტროს რეგიონული სამმართველოს, მთავარი სამმართველოს უფროსი და დეპარტამენტის დირექტორი; 2003 წელს დაინიშნა საქართველოს ეკონომიკის, მრეწველობისა და ვაჭრობის მინისტრის მოადგილედ; საქმიანობის სხვადასხვა ეტაპზე მონაწილეობდა მრავალი მნიშვნელოვანი ობიექტის დაპროექტებაში; უშუალოდ კურირებდა ადგილმრეწველობის, ჯანდაცვის, საკურორტო და სპორტის სფეროს ობიექტების მშენებლობას, ასევე სხვა დარგებში მიმდინარე მშენებლობის და კაპიტალური დაბანდებით მათ უზრუნველყოფას; ხელმძღვანელობდა რესპუბლიკის რეგიონული ინფრასტრუქტურის განვითარებას; საგანგებო საკვალიფიკაციო სწავლება გაიარა აშშ-ში, შვეიცარიაში, თურქეთში, ავსტრიაში, ჰოლანდიასა და რუსეთში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.404

• ღირსების ორდენი