მიხეილ მეძმარიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1966 წელს.

იყო საპროექტო ინსტიტუტ "საქქალაქმშენსახპროექტის" მთავარი სპეციალისტი, პროექტის მთავარი არქიტექტორი; 1974 წლიდან საქართველოს პოლიტექნიკური ინსტიტუტის არქიტექტურის ფაკულტეტის პედაგოგი; მისი ძირითადი ნამუშევრებია: მშენებლობის სამინისტროს პანსიონატი 500 ადგილზე ქობულეთში (ბობოყვათი), თსუ-ს სტუდენტთა საერთო საცხოვრებელი 850 ადგილზე ბაგებში, სამეცნიერო ხელსაწყოთმშენებლობის საკონსტრუქტორო ბიურო თბილისში, საავადმყოფო რუსთავში, გაზის სამმართველოს დასასვენებელი სახლი წყნეთში, საქართველოს კპ ცკ-ს ყოფილი გამომცემლობა თბილისში, კურორტ საირმის გენგეგმა, კურორტ საირმის საერთო-საკურორტო ცენტრი, სასტუმრო კურორტ საირმეში, ინდივიდუალური საცხოვრებელი სახლი მაზერში (სვანეთი), კურორტების - ჩაქვისა და ციხისძირის გენგეგმები, გაგრის საპარკო ზონის გენგეგმა, სანატორიუმი საირმეში, რესტორანი დმანისში და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.407-408

• საქართველოს არქიტექტორთა კავშირი, წევრი (1973-)