თეიმურაზ ბადრიაშვილი

დაბადების ადგილი: ქ. თბილისი.

დაამთავრა შოთა რუსთაველის სახელობის თბილისის სახელმწიფო თეატრალური ინსტიტუტი 1984 წელს.

1984-1990წწ. იყო თბილისის თოჯინების სახელმწიფო რუსული თეატრის რეჟისორი; საქართველოს ტელე-რადიო დეპარტამენტის საბავშო და საყმაწვილო გადაცემათა რედაქციის გადაცემის "ბასტი-ბუბუ" რეჟისორი (1992-1994, 1997-1999); 1999 წლიდან გ. მიქელაძის სახელობის თოჯინების სახელმწიფო თეატრის სამხატვრო ხელმძღვანელი და დირექტორი. დადგმული აქვს შემდეგი სპექტაკლები: დ. ურბანის "თაგვი ყველა თაგუნას უყვარს" (თოჯინების რუსული თეატრი, 1984); ა. პოპესკუს "მზის სხივი" (1986). მხატვრულად გაფორმებული აქვს შემდეგი სპექტაკლები: "ბრიყვი და ხელმწიფე" (რუსთავის თოჯინების თეატრი); "ერთი სურათი საგვარეულო ალბომიდან" (გ. მიქელაძის სახელობის თოჯინების სახელმწიფო თეატრი. 1999). მეთოჯინეთა საერთაშორისო ასოციაცია (უნიმას) საქართველოს ცენტრის გენერალური მდივანი. 

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.53

• საქართველოს თეატრის მოღვაწეთა კავშირი, წევრი (1985-)