ალექსანდრე ბაჩიაშვილი

დაბადების ადგილი: ქ. თელავი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1973 წელს, თბილისის სახელმწიფო უნივერსიტეტის სოხუმის ფილიალის სამართალმცოდნეობის ფაკულტეტი 2005 წელს. 

1978-1991წწ. იყო მოსკოვის საკავშირო ონკოლოგიის სამეცნიერო ცენტრის მუცლის ქირურგიის განყოფილების უმცროსი, უფროსი და წამყვანი მეცნიერ-თანამშრომელი; 1992-2006წწ. თბილისის სამედიცინო აკადემიის I ქირურგიის კათედრის პროფესორი; 1994-1998წწ. რესპუბლიკის მთავარი ქირურგი; 1995-2006წწ. სამედიცინო აკადემიის კლინიკის დირექტორი; არის 55 სამეცნიერო ნაშრომის, ერთი გამოგონების და ორი სასარგებლო მოდელის ავტორი; მედიცინის მეცნიერებათა დოქტორი, პროფესორი, თბილისის სამედიცინო აკადემიის კლინიკის ხელმძღვანელი.

სადოქტორო დისერტაციის თემა -  "არაორგანული სიმსივნეების კომპლექსური დიაგნოსტიკა და მკურნალობა", დაიცვა 1989 წელს. 

 წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.65 ; vidal.ge

• ევროპის ტრავმისა და გადაუდებელი ქირურგიის ასოციაცია, წევრი
• მედიცინის მეცნიერებათა აკადემია, აკადემიკოსი
• საქართველოს პროფილაქტიკური მედიცინის მეცნიერებათა აკადემია, წევრი
• საქართველოს ქირურგთა ასოციაციის პრეზიდიუმი, წევრი

• გრიგოლ მუხაძის სახელობის მედალი