ენვერ მოისწრაფიშვილი

დაბადების ადგილი: სოფელი ნიგვზიანი, ლანჩხუთის რაიონი.

დაამთავრა საქართველოს პოლიტექნიკური ინსტიტუტი მიმოსვლის გზათა მშენებელი ინჟინრის კვალიფიკაციით 1961 წელს.

1961 წელს მუშაობდა ქ. სვერდლოვსკში, საპროექტო ინსტიტუტ "ურალგიპროტრანსში" და ქ. თბილისში საპროექტო ინსტიტუტ "კავგიპროტრანსში"; მონაწილეობდა ახალი რკინიგზის ხაზების პროექტების შემუშავება-განხორციელებაში; მათ შორისაა: "ბირიუსა-ბოგუჩანის" (ციმბირი), "ესელ-ტურგაის" (ყაზახეთი), "რემეტი-ვიუხონის", "სვერდლოვსკი-გორაბლადატცკაიას" მეორე ლიანდაგის (ურალი), "ხაშური-ზესტაფონის" მეორე ლიანდაგის, "კიროვაბადი-ბაქოს" სარკინიგზო ხაზის და სხვა; 1965 წლიდან მოღვაწეობდა საქართველოს პოლიტექნიკურ ინსტიტუტში, ჯერ იყო ასისტენტი, შემდეგ ასპირანტი, დოცენტი და პროფესორი; 1989-1995წწ. იყო ინსტიტუტის "რკინიგზის მშენებლობისა და სალიანდაგო მეურნეობის" კათედრის გამგე; მისი ხელმძღვანელობით მიმდინარეობდა ისეთი აქტუალური პრობლემების დამუშავება, როგორებიცაა მთიან პირობებში რკინიგზის დაპროექტება, მშენებლობა და ექსპლუატაცია; გამოქვეყნებული აქვს 70-ზე მეტი სამეცნიერო ნაშრომი, არაერთი სახელმძღვანელო და მრავალი მეთოდური მითითება; დაიცვა საკანდიდატო დისერტაცია 1971 წელს; სადოქტორო 1978 წელს.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.425-426; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.126

• 1998 - ღირსების მედალი
  საქართველოში ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი პირადი წვლილისათვის

• ისრული გადამყვანის გაანგარიშება და დაგეგმარება : მეთოდ. მითითებები საკურსო პროექტის შესასრულებლად (თანაავტორი). - თბილისი, ტექნ. უნ-ტი, 2009. - 56გვ.. - ISBN: 978-9941-14-710-4
• რკინიგზის ლიანდაგი : სარელსო ლიანდაგის მოწყობა (თანაავტორი) // ნაწ. 2 . - თბილისი, ტექნიკური უნ-ტი, 2009. - 77გვ. . - ISBN: 978-9941-14-381-6
• რკინიგზის ლიანდაგი (თანაავტორი) // ნაწ. 1. - თბილისი, ტექნ. უნ-ტი, 2009. - 115გვ.. - ISBN: 978-9941-14-381-6
• ლიანდაგების შეერთება და გადაკვეთა (ავტორი). - თბილისი, ტექნიკური უნ-ტის გამ-ბა, 2003. - 164გვ.
• ლიანდაგის კაპიტალური შეკეთების სამუშაოთა ორგანიზაცია : დამხმ. სახელმძღვ. (თანაავტორი). - თბილისი, ტექნ. უნ-ტი, 2002. - 70გვ.