არკადი მონიავა

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1953 წელს.

შრომითი საქმიანობა დაიწყო თბილისის ენერგეტიკისა და ჰიდროტექნიკურ ნაგებობათა სამეცნიერო-კვლევით ინსტიტუტში მეცნიერ-თანამშრომლად; მუშაობდა საქართველოს კპ ცენტრალურ კომიტეტში ინსტრუქტორად; იყო რესპუბლიკური სამშენებლო გაერთიანება "საქკოლმშენის" მმართველის მოადგილე; საქართველოს სასოფლო მშენებლობის სამინისტროს N1 სამშენებლო ტრესტის მმართველი; იყო ქ. თბილისის სპორტნაგებობათა სამმართველოს უფროსი; მონაწილეობდა ხობის ოლიმპიური საცურაო კომპლექსის, დიდუბის მემორიალის, კოლხეთის ისტორიისა და მელიორაციის მუზეუმის, მეცხოველეობისა და მეფრინველეობის კომპლექსების, სკოლების, საბავშვო ბაღების და სხვა სოციალურ-კულტურული დანიშნულების ობიექტების მშენებლობაში; ტექნიკურ მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.426