თენგიზ მონცელიძე

დაბადების ადგილი: ქ. თბილისი.

დაამთავრა ქიმიურ-მეტალურგიული ტექნიკუმი 1950 წელს; თბილისის სახელმწიფო უნივერსიტეტი 1969 წელს.

შრომითი საქმიანობა დაიწყო რუსთავის მეტალურგიულ ქარხანაში; მუშაობდა რუსთავის ქიმიურ კომბინატში და საქართველოს მინისტრთა საბჭოსთან არსებული სპეციალური და სამონტაჟო სამუშაოების მთავარი სამმართველოს "საქმონტაჟსპეცმშენის" განყოფილების უფროსად (1965 წლიდან); მონაწილეობდა რუსთავის მეტალურგიული და ზესტაფონის ფეროშენადნობთა, ქუთაისის საავტომობილო, გამომთვლელი მანქანების, მცხეთის საკონსერვო ქარხნებში, ტაბახმელას ბიოკომბინატში, რუსთავის ქიმიურ და ჭიათურმანგანუმის, გორის ბამბეულის კომბინატებში, რესპუბლიკურ საავადმყოფოში, თელავის სახელმწიფო თეატრში, სპორტისა და ჭადრაკის სასახლეებში, თბილისის ფილარმონიის საკონცერტო დარბაზის, საცხოვრებელი სახლების სპეცსამონტაჟო სამუშაოების შესრულებაში; დაჯილდოებულია "დიდების" ორდენითა და მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.426

• საქართველოს დამსახურებული ეკონომისტი