სევერიან მოსიძე

დაამთავრა ამიერკავკასიის ინდუსტრიული ინსტიტუტის სამშენებლო ფაკულტეტი ჰიდრონაგებობათა მშენებლობის სპეციალობით 1936 წელს.

1927 წლიდან მუშაობდა "ზაჰესში" ამიერკავკასიის რკინიგზის მე-2 და მე-9 კმ-ზე ხიდებისა და მწვანე კონცხის გვირაბის მშენებლობაზე ბრიგადირად, ტექნიკოსად; 1936-1938წწ. მუშაობდა სამუშაოთა მწარმოებლად თბილისის რკინიგზის ცენტრალური სადგურის ქვეშ გვირაბისა და ჩელუსკინელების სახელობის (ამჟამად თამარ მეფის) ხიდის მშენებლობაზე; 1938-1939წწ. აშენებდა თიანეთის მცირეძალოვან ჰიდროელექტროსადგურს; 1939-1941წწ. იყო საპროექტო ინსტიტუტ "თბილჰიდროპროექტის" და "წყალპროექტის" ინჟინერი; 1941-1942წწ. მუშაობდა კრასნოდარის მხარეში თავდაცვითი ობიექტების მშენებლობის მეცხრე სამმართველოს მე-4 საველე მშენებლობის უბნის უფროსად; ომის შემდგომ წლებში მუშაობდა ავჭალის შამპანიურის ქარხნის მშენებლობის უფროს სამუშაოთა მწარმოებლად; 1948-1950წწ. "ჩითახევჰესის" მშენებლობის უბნის უფროსად, შემდეგ ტექნიკური განყოფილების უფროსად; 1950 წლიდან გადაყვანილ იქნა საპროექტო ინსტიტუტ "საქსახწყალპროექტში", სადაც მუშაობდა განყოფილების უფროსად, პროექტის მთავარ ინჟინრად, ტექნიკური განყოფილების უფროსად; ხელმძღვანელობდა ზემო სამგორის სარწყავი სისტემის და კოლხეთის ჭაობების დაშრობის მუშა პროექტირებას, კურირებდა სევანის ტბის ორი მძლავრი ჰიდროსადგურის მშენებლობას ("ტბისჰესი" და "გიუმუშჰესი") სომხეთში. მიღებული აქვს საქართველოს უმაღლესი საბჭოს პრეზიდიუმის საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.428; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.287

• 1999 - ღირსების მედალი
  მელიორაციისა და წყალთა მეურნეობის დარგის ჩამოყალიბებასა და განვითარებაში შეტანილი პირადი წვლილისა და ნაყოფიერი საქმიანობისათვის
• საქართველოს დამსახურებული ინჟინერი