ლავრენტი მორჩილაძე

დაბადების ადგილი: ქ. ტყიბული.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი 1981 წელს.

მუშაობდა სამშენებლო ტრესტ "ამიერკავკასტრანსმშენის" N692 სამშენებლო სამმართველოში მშენებელ ოსტატად, "მარაბდა-ახალქალაქის" სარკინიგზო მაგისტრალის მშენებლობაზე სამუშაოთა მწარმოებლად, სამშენებლო ტრესტის საწარმოო განყოფილების უფროსის მოადგილედ; 1989-1999წწ. იყო ტრესტ "ამიერკავკასტრანსმშენის" რუსთავის ფილიალის დირექტორი; 1999 წლიდან სს "ტრანსმშენის" მთავარი ინჟინერია; მისი მონაწილეობითა და ხელმძღვანელობით აშენდა: "მარაბდა-ახალქალაქის" სარკინიგზო მაგისტრალის ურთულესი მონაკვეთი "თეთრიწყარო-ნადარბაზევი-ბედენი-წალკის" გადასარბენები, თბილისის რკინიგზის ვაგზალი, სურამის უღელტეხილის მეორე ლიანდაგები, "ლოკომოტივის" სტადიონის სპორტული და რუსთავის პროფტექნიკური სასწავლებლის კომპლექსები, ვაკის სამების ეკლესია, საცხოვრებელი სახლები თბილისსა და რუსთავში და სხვა; აქტიურად მონაწილეობდა საქართველოში სტიქიური მოვლენებით დაზარალებულთათვის სახლების მშენებლობაში, აფხაზეთის ომის დროს სოხუმსა და მის შემოგარენში დაზიანებული შენობა-ნაგებობების აღდგენაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.430; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.339

• 1999 - ღირსების ორდენი
  საქართველოს სტატისტიკის სამსახურის განვითარებასა და სრულყოფაში შეტანილი პირადი დიდი წვლილისათვის, ნაყოფიერი სამეცნიერო და საზოგადოებრივი მოღვაწეობისათვის