ნიკოლოზ მოწონელიძე

დაბადების ადგილი: სოფელი ღვარდია, ამბროლაურის რაიონი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი ჰიდროტექნიკური ნაგებობების მშენებლობის სპეციალობით 1943 წელს.

1943 წლიდან დაიწყო შრომითი საქმიანობა ტყიბულის რაიონის სოფელ კურსებში სამშენებლო მასალების ქარხანა "საქტექშენიტში" ინჟინერ-მშენებლად; 1944 წელს მუშაობდა თბილისის ჰიდროტექნიკის სამეცნიერო-კვლევით ინსტიტუტში ("ტნისგეი") ინჟინრად; 1945-1947წწ. ქ. ქუთაისის ლითოფონის ქარხნის მშენებლობაზე; 1948 წლიდან მუშაობდა საქართველოს პოლიტექნიკური ინსტიტუტის ჰიდროტექნიკურ ნაგებობათა კათედრაზე, სადაც გაიარა სამეცნიერო-პედაგოგიური მოღვაწეობის ყველა საფეხური; იყო უფროსი ლაბორანტი, ასისტენტი და კათედრის გამგე; არჩეული იყო დოცენტად, პროფესორად; მუშაობდა ჰიდროტექნიკისა და სანტექნიკის ფაკულტეტის დეკანად (1972-1976წწ.). იყო სადოქტორო დისერტაციების დაცვის სპეციალიზებული საბჭოს თავმჯდომარედ (1972-1981); იყო ჰიდროტექნიკის სექტორის გამგე; ავტორია 120-ზე მეტი გამოქვეყნებული სამეცნიერო ნაშრომისა, მათ შორის რამდენიმე სახელმძღვანელოსი; 1971-1985წწ. მოსკოვსა და ჰოლანდიაში გამოიცა მისი მონოგრაფია "კონტრფოსული კაშხლების მდგრადობა და სეისმომედეგობა"; პირველმა შექმნა და გამოსცა ქართულ ენაზე ფუნდამენტალური ნაშრომი-სახელმძღვანელო "ჰიდროტექნიკური ნაგებობები"- ორტომეული; აგრეთვე დამხმარე სახელმძღვანელო "ჰიდროტექნიკურ ნაგებობათა სეისმომედეგობა"; დაიცვა საკანდიდატო დისერტაცია (1950); სადოქტორო დისერტაცია (1967).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.431-432; საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.258

• საქართველოს საინჟინრო აკადემია, წევრ-კორესპონდენტი

• საქართველოს მეცნიერებათა დამსახურებული მოღვაწე

• ჰიდროტექნიკურ ნაგებობათა სეისმომედეგობა : დამხმარე სახელმძღვანელო (ავტორი). - თბილისი, 1986. - 78გვ.
• ჰიდროტექნიკური ნაგებობები : სახელმძღვ. უმაღლ. ტექნ. სასწავლებლების სტუდენტებისათვის (ავტორი) // ნაწ. 2.. - თბილისი, განათლება, 1982. - 376გვ.
• მითითებები სადიპლომო პროექტის შესასრულებლად : "სამდინარო ნაგებობებისა და ჰიდროელექტროსადგურების ჰიდროტექნიკური მშენებლობის" სპეციალობის სტუდენტებისათვის (ავტორი). - თბილისი, 1977. - 63გვ.
• ჰიდროტექნიკური ნაგებობები : სახელმძღვ. უმაღლ. ტექნ. სასწავლებლების სტუდენტებისათვის (ავტორი) // ნაწ. 1.. - თბილისი, განათლება, 1977. - 459გვ.