თამაზ მურვანიძე

დაბადების ადგილი: ქ. ბათუმი.

დაამთავრა სამარის სამშენებლო-არქიტექტურული ინსტიტუტი 1980 წელს.

1980-1987წწ. მუშაობდა თბილისის ზონალურ ს/კ, ტიპური და ექსპერიმენტული პროექტების ინსტიტუტში ("თბილზნიიეპი") წამყვანი არქიტექტორის თანამდებობაზე; 1984-1986წწ. სწავლობდა ასპირანტურაში ქ. მოსკოვში; 1987-1991წწ. საქართველოს განათლების სამინისტროს საპროექტო ორგანიზაციის სახელოსნოს ხელმძღვანელი იყო; 1991-1992წწ. მუშაობდა ქ. თბილისის მერიის ვაკის რაიონის მთავარ არქიტექტორად; 1995 წლიდან არქიტექტურულ სამშენებლო ფირმა "კოლეგიუმის" დირექტორი იყო; 1998 წლიდან ქ. თბილისის ვაკის რაიონის გამგეობის მთავარ არქიტექტორად მუშაობდა; მისი ძირითადი ნამუშევრებია: 1980-1982წწ. - მსხვილი პანელოვანი კონსტრუქციების საცხოვრებელი სახლების სერია 1.464 (საავტორო ჯგუფთან) ქ. თბილისში, ქუთაისში; 1982-1984წწ. - საცხოვრებელი სახლების სერია 1.127 (საავტორო ჯგუფთან) ქ. სოხუმში; 1985 წელს - საბავშვო ბაღი 280 ადგილზე სერია 1.090.1-2 (საავტორო ჯგუფთან); 1986 წელს მრავალსართულიანი საცხოვრებელი სახლი, I პრემია, ქ. თბილისში, 1985-1987წწ. - ეკლესიები ქ. რუსთავში და ქ. ჩოხატაურში; 1987წ. 72-ბინიანი საცხოვრებელი სახლი ქ. ბათუმში; 1988 წელს სკოლა 864 მოსწავლეზე ს. მარტყოფში; 1988წ. პედაგოგიკის ინსტიტუტი ქ. თბილისში საირმის ქუჩაზე; 1987-1990წწ. საბავშვო ბაღები და სკოლები საჩხერეში, ჭიათურაში, ოზურგეთში, სუფსაში, ადიგენში, ახალციხეში, ახალქალაქში; 2000 წელს ინვალიდ ბავშვთა სარეაბილიტაციო ცენტრი ქ. თბილისში დიღმის მასივში ლიუბლიანას ქუჩაზე და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.433

• საქართველოს არქიტექტორთა კავშირი, წევრი