როლანდ მურვანიძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1962 წელს.

1962 წლიდან მუშაობდა საპროექტო ინსტიტუტ "თბილქალაქპროექტის" მე-6 სახელოსნოში არქიტექტორად; 1969 წლიდან ქ. თბილისის ნაძალადევის რაიონის მთავარი არქიტექტორის მოადგილე იყო; 1973 წლიდან მთავარი არქიტექტორი; 1973-1977წწ. ქ. ბათუმის მთავარი არქიტექტორის მოადგილე იყო და პარალელურად პედაგოგიურ მოღვაწეობას ეწეოდა საქართველოს პოლიტექნიკურ ინსტიტუტში; 1993 წლიდან საქართველოს პოლიტექნიკური ინსტიტუტის ბათუმის ფილიალის არქიტექტურის კათედრაზე; 1997 წელს მონაწილეობდა ბურსაში (თურქეთი) გამართულ საერთაშორისო კონგრესზე; არის აჭარის არქიტექტორთა კავშირის თავმჯდომარის მოადგილე; აღსანიშნავია, რომ სტუდენტობის წლებში, პოლიტექნიკური ინსტიტუტის ცნობილი საესტრადო ორკესტრის ერთ-ერთი გამორჩეული მუსიკოს-შემსრულებელი იყო. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.433

• საქართველოს არქიტექტორთა კავშირი, წევრი (1977-)