ვახტანგ მუსელიანი

დაბადების ადგილი: ქ. ქუთაისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1937 წელს; საკავშირო საფინანსო ინსტიტუტი ეკონომისტ-ფინანსისტის კვალიფიკაციით 1952 წელს.

1931 წლიდან დაიწყო შრომითი საქმიანობა; ხელმძღვანელობდა თბილისის ღრმაღელის აგურისა და ცეცხლგამძლე ნაკეთობათა ქარხნებს; 1949-1954წწ. იყო სამშენებლო ტრესტ "საქმშენის" მმართველი; 1961-1980წწ. საპროექტო ინსტიტუტ "საქსახპროექტის" დირექტორის მოადგილე; ხელმძღვანელობდა ჩელიუსკინელების სახელობის ხიდის მშენებლობას თბილისში; იყო მეორე მსოფლიო ომის (1941-1945) მონაწილე; 1946-1949წწ. თბილისის საქალაქო საბჭოს ორჯონიკიძის სახელობის რაიონული საბჭოს დეპუტატი; მიღებული ჰქონდა საბრძოლო და სამოქალაქო სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.435

• მედალი "გერმანიაზე გამარჯვებისთვის"
• მედალი "კავკასიის დაცვისთვის"