თეიმურაზ მუხაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს.

1960-1966წწ. მუშაობდა საპროექტო ინსტიტუტ "საქკვებმრეწსახპროექტში"; მონაწილეობდა თბილისის მეტროპოლიტენის სადგურ "რუსთაველის" და ვიეტნამის დემოკრატიულ რესპუბლიკაში მშენებარე ჩაის ფაბრიკების დაპროექტებაში; 1969 წლიდან მუშაობდა საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტში; 1995 წლიდან ხელმძღვანელობდა სეისმომედეგი კონსტრუქციების ლაბორატორიას; მონაწილეობდა ყოფილი საბჭოთა კავშირის მშენებლობის საქმეთა სახელმწიფო კომიტეტის ("სახმშენის") კომისიებში, 1976 წელს უზბეკეთში, 1978 წელს ტაჯიკეთსა და ყურგიზეთში მომხდარი დამანგრეველი მიწისძვრების შედეგების გამოკვლევაში; 1988 წელს სპიტაკის კატასტროფული მიწისძვრის დროს, ხელმძღვანელობდა სომხეთის სოფლის დასახლებულ პუნქტებში დაზიანებული შენობა-ნაგებობების აღდგენა-გაძლიერების სამუშაოებს; შესრულებული აქვს საქართველოში მომხდარი მიწისძვრების შედეგების ინჟინრული ანალიზი; დაამუშავა შენობა-ნაგებობის სეისმომედეგობის შეფასების ორიგინალური მეთოდი, რომელიც ფართოდ გამოიყენება დასახლებული პუნქტების სეისმური რისკის დადგენაში; ავტორია 80-მდე სამეცნიერო ნაშრომის, რომლებიც მიძღვნილია მშენებლობის დარგის აქტუალური საკითხებისთვის.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.437

• მიწისძვრები და სეისმომედეგი მშენებლობა (თანაავტორი). - თბილისი, 1977. - 32გვ.