მიხეილ ბებიაშვილი

დაბადების ადგილი: ქ. ზესტაფონი.

დაამთავრა თბილისის სახელმწიფო უნივერსიტეტის იურდიული ფაკულტეტი 1996 წელს; 1998 წელს სწავლება გაიარა აშშ-ის II ოლქის სააპელაციო სასამართლოში - სასამართლო საქმისწარმოების და ადმინისტრირების საკითხებზე; 1999 წელს სწავლება გაიარა აშშ-ის ტ. მარშალის სახელობის ფედერალურ სასამართლო ცენტრში - საბიუჯეტო და ადამიანური რესურსების სისტემების შესახებ; 2000 წელს სწავლება გაიარა საფრანგეთში, გრეფიების ეროვნულ სკოლაში, ევრო კავშირისა და იუსტიციის სასწავლო ცენტრის პროექტით, სასამართლო პერსონალის მომზადების და გადამზადების საკითხებზე.

1991-1997 წწ. იყო საქართველოს უზენაესი სასამართლოს სამართლებრივი ინფორმატიკისა და კანონმდებლობის სისტემატიზაციის განყოფილების ინსპექტორი და უფროსი ინსპექტორი; 1994-1997 წწ. ხელმძღვანელობდა საქართველოს უზენაესი სასამართლოს სამდივნოს; 1997-1999 წწ. მუშაობდა საქართველოს იუსტიციის საბჭოს აპარატის კანცელარიის გამგედ; 1999-2003წწ. თბილისის საოლქო სასამართლოს ადმინისტრატორად; 2003-2005წწ. თბილისის საოლქო სასამართლოს მოსამართლე; 2005-2014 წწ. იყო თბილისის სააპელაციო სასამართლოს მოსამართლე; 2015-2016 წწ. შპს "საქართველოს მელიორაციის"  იურიდიული სამსახურის უფროსი. გენერალური დირექტორის მრჩეველი; 2016 წლის იანვრიდან არის ზესტაფონის რაიონული სასამართლოს მოსამართლე.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.65; საქართველოს იუსტიციის უმაღლესი საბჭოს ვებ გვერდი: hcoj.gov.ge